سێبه‌ر

یه‌لمار سوێدربێرگ

وه‌رگێڕانی له‌ سوێدییه‌وه:‌ که‌ریم تاقانه‌

نازانم داخۆ ژیانم خۆش ده‌وێ یان ڕقم لێیه‌تی؛ به‌ڵام به هه‌موو  ویست و هه‌وا و هه‌وه‌سێکمه‌وه‌  توند خۆمم پێیه‌وه‌ هه‌ڵواسیوه‌. نامه‌وێ بمرم. نا، نامه‌وێ بمرم: نه‌ ئه‌مڕۆ و نه‌ سبه‌ینێ، نه‌ ئه‌مساڵ و نه ساڵی داهاتوو.

     له‌گه‌ڵ ئه‌وه‌شدا جارێکیان چه‌ندین ساڵ پێش ئێستا خه‌ونێکم دیت که وای لێ‌کردم ئاره‌زوو بکه‌م قه‌ت له‌ دایک نه‌بوومایه‌.

*

- - - به ته‌نیا چوومه‌ شه‌قامێکی بێده‌نگ و چۆڵ و هۆڵ. ڕۆژێکی پێش به‌هار بوو که زووتر به‌فر ده‌توایه‌وه‌، دڵۆپه دڵۆپی ئاو که له سه‌ربانه‌وه‌ ده‌تکایه خواره‌وه،‌ له به‌ر خۆره‌تاوه‌که‌دا ده‌دره‌وشایه‌وه. ... ...

 ۱- به‌سه‌رهات

په‌ر لاگێرکڤیست

وه‌رگێڕانی له‌ سوێدییه‌وه‌: که‌ریم تاقانه‌

په‌ر فابیان لاگێرکڤیست (1891-1974) یه‌کێکه له‌ شاعیر و چیرۆکنووسه‌ هه‌ره دیاره‌کانی سوێد. ساڵێک له زانکۆی ئۆپسالا ده‌رسی ئه‌ده‌بیات و مێژووی هونه‌ر ده‌خوێنێ و دواتر واز ده‌هێنێ و سه‌فه‌ری دانمارک، فه‌‌‌رانسه و‌ ئیتالیا ده‌کا. له‌و وڵاتانه‌دا چه‌ندین به‌رهه‌می به‌پێز ده‌نووسێ. ... 

     که‌شتییه‌ک به بادبانی ڕه‌شه‌وه‌ هات و ویستی دوور بمبا. ئه‌منیش سوار بووم و زۆرم بیر لێ‌نه‌کرده‌وه‌. به‌ دڵ ده‌متوانی گه‌شتێکی کورت ئه‌نجام بده‌م. گه‌نج و به‌ده‌ماغ بووم و تاسه‌ی ده‌ریام ده‌کرد. قه‌راخمان به‌جێ‌هێشت و خێرا له پشت سه‌رمانه‌وه‌ له چاو ون بوو و بایه‌کی پاک که‌شتییه‌که‌ی به دڵنیایی‌یه‌وه‌ بۆ پێشه‌وه برد.

خزمه‌تکاره‌کانی نێو که‌شتییه‌که که له‌گه‌ڵیان له پێوه‌ندیدا بووم، دژوار و جیددی بوون و ئه‌وه‌نده پێکه‌وه‌ قسه‌ و باسمان نه‌ده‌کرد. ماوه‌یه‌کی دوور و درێژ، ڕۆژ و شه‌و به ئاراسته‌یه‌کی دیاریکراودا سه‌ره‌مڕ هه‌ر چارۆکه‌مان هه‌ڵدا و که‌شتیمان لێ‌خوڕی. تووشی هیچ و‌شکایی‌یه‌ک نه‌‌هاتین. ساڵ له دوای ساڵ درێژه‌مان به ڕه‌وتی خۆمان دا. ده‌ریا کراوه‌، هه‌وا له‌بار بوو. هیچ وشکایی‌یه‌ک به‌رچاو نه‌که‌وت. له ئاکامدا پێم سه‌یر بوو، بۆیه له یه‌کێک له خزمه‌تکاره‌کانم پرسی که ئه‌وه‌ بۆ وایه‌. ئه‌و وه‌ڵامی دایه‌وه‌ چیدی هیچ دنیایه‌ک بوونی نییه. دنیا له‌ناو چووه‌ و نقومی بن ئاو بووه‌. ته‌نیا ئێمه ماوینه‌ته‌وه‌. ...  

کچۆڵه‌ شقارته‌فرۆشه‌که‌

 نووسه‌ری ناسراوی دانمارکی:

وه‌رگێڕان: كه‌ریم تاقانه‌

شه‌وی ژانویه‌ بوو. به‌فر به‌توندی ده‌باری. نیوه‌ی شه‌و بوو. کچێک خۆی گرمۆڵه‌ کردبوو و هێدی، هێدی ڕێی ده‌کرد.. کچۆڵه‌که‌ زۆری سه‌رما بوو. پێڵاوی له‌پێدا نه‌بوو. دایکی نه‌مابوو و بابیشی پیاوێکی چاک نه‌بوو؛ هه‌رچی پاره‌ی هه‌بوو، خه‌رجی مه‌ی ‌و مه‌یخواردنه‌وه‌ی ده‌کرد.

له‌به‌ر ئه‌وه‌ش بوو که‌ کچه‌ پێڵاو و کڵاوی نه‌بوو و جله‌کانی شڕ و دڕاو بوون. چه‌ند پاکه‌ته‌ شقارته‌یه‌کی له‌نێو به‌روانکه‌ شڕه‌که‌یدا هه‌ڵگرتبوو. ده‌مه‌و به‌یان هه‌تا شه‌و شقارته‌کانی به‌م لاو به‌ولادا گێڕابوو و هه‌ر هاواری کردبوو:
 - شقارته‌، وه‌ره‌ بۆ شقارته‌.. تو خودا شقارته‌یه‌کم لـێ‌بکڕن!…

دڵۆپێک فرمێسک بۆ "ندا"

که‌ریم تاقانه‌

ڕاپه‌ڕین و ناڕه‌زایه‌تیی سه‌دان هه‌زار خه‌ڵک دژ به کۆماری ئیسلامیی ئێران، ڕووی ڕاسته‌قینه‌ی ئه‌و ڕێژیمه‌ی زیاتر بۆ دنیای د‌‌ه‌ره‌وه‌ ده‌رخست و وه‌ک بینیمان، سه‌رنجی هه‌موو خه‌ڵکی دنیا و گشت میدیاکانی بۆ لای خۆی ڕاکێشا.

دنیای ده‌ره‌وه‌ ئێستا ئیدی ئیمان به‌و ڕاستییه دێنێ که هه‌ڵبژاردن له‌ کۆماری ئیسلامیی ئێراندا، گه‌مه‌یه‌ک زیاتر نییه‌ و له‌ ئه‌نجامدا ئه‌وه‌ ته‌نیا که‌سانێکی شاقه‌لدرێژن که‌ ده‌نگی هه‌موو میلله‌ت بۆ پاراستنی ڕیژیم و درێژکردنه‌وه‌ی ته‌مه‌نی پڕ له‌ شووره‌ییی خۆیان، ده‌خنکێنن و باکیشیان له‌ هیچ نییه‌. به‌ڵێ ڕاستییه‌ک که‌ زۆرێک له‌ ئه‌حزابی ئۆپۆزیسیۆنی ئێرانی ده‌یگوت و قامکی له‌سه‌ر داده‌نا به‌ڵام باوه‌ڕیان پێ نه‌ده‌کردن.

 ئه‌من له‌م دووری دووره‌وه‌ سه‌یر ده‌که‌م و گوێ ده‌گرم و دڵه‌ڕاوکه‌مه.. ئۆقره‌ ناگرم.. دوورم، به‌ڵام له‌ نێزیکه‌وه‌ ئاگام له‌و هاوار و قیژه‌ و زریکانه‌یه‌.

یه‌که‌مجار که‌ ئه‌و سه‌حنه تراژیدی و جه‌رگبڕه‌‌ی "ندا"م دیت، له‌گه‌ڵ یه‌ک، دوو هاوڕێ دانیشتبووم. واقمان وڕما و زمانی هه‌ر هه‌موومان بۆ چه‌ند ساتێک له‌ گۆ که‌وت. نازانم.. بیرم شاشه‌.. داخۆ ده‌‌‌ستی چڵکنی کامه‌  ویژدان‌تۆپیوێکیان بوو که به‌و شێوه‌ خوێنی دڵی "ندا"ی ڕژانده سه‌ر زه‌وی..؟! خه‌ڵکینه ده‌بێ دڵ و ده‌روونی ئه‌و که‌سه‌ چه‌نده‌ خاڵی بێ له‌ به‌زه‌یی و عه‌شق و جوانی که ئاوا بێ‌ڕوحمانه گوڵێکی تازه پشکووتوو، به‌ به‌رچاوی دنیاوه‌ هه‌ڵده‌وه‌رێنێ و پارچه‌ پارچه‌ی ده‌کا..؟!

به‌ڵام له‌ هه‌مان کاتدا بۆ ئێمه‌‌ومانان که ئه‌و ڕێژیمه پیسه ده‌ناسین، کاره‌ساتی ئه‌وتۆ و له‌وه‌ش دڵته‌زێنتر چاوەڕوان کرواه‌.. ئێمه، که چاوێک به مێژووی ڕه‌ش و شوومی کۆماری ئیسلامیی ئێراندا ده‌گێڕین، به‌داخه‌وه‌، بێجگه له تیرۆر و کوشتن و بڕین، ئه‌شکه‌نجه‌ و ئازار، زیندان و ئیعدام و له‌ئاکامدا ڕووڕه‌شیی کۆماری ئیسلامیی ئێران، شتێکی دیکه نابینین. به‌ڵام...

"ندا"...!

که‌ سینگی تۆ پێکرا و داچۆڕایته سه‌ر عه‌رز، گشت وجوودی غه‌ریبی من، له‌‌م غه‌ریستانه‌دا گیرا و گریا و ڕه‌ش داگه‌ڕا.. ڕه‌شتر له‌ مانتۆ ڕه‌شه‌که‌ت و چاوه‌ ڕه‌شه‌کانت. کاتێکیش پێڵووت کرده‌وه‌ و دوا نیگای زامدارت بڕییه‌ نێوچاوانم، دنیایه‌کی سه‌وز و ئه‌به‌دیم له‌ ده‌ریای چاوانتدا کرده‌ دی و ئه‌وکات ئیدی.. گریام.  

دوا ڕوانینی "ندا".. ئه‌و کچه‌‌ بێ‌گوناحه‌ی به‌ ناحه‌ق کوژرا..

بێ لێکدانه‌وه‌...

لێره‌وه من ده‌تانبینم

نووسینی: که‌ریم تاقانه (سوێد)

لێره به‌فر ده‌بارێ، به‌فر. ده‌نگ، به هه‌واوه‌ ڕه‌ق ده‌یباته‌وه‌ و ده‌ڕچێ.

سپێده‌یه‌ و .. له به‌ر په‌نجه‌ره‌ی ژووره‌که‌م دا دانیشتووم. سه‌یری ده‌ره‌وه‌ ده‌که‌م. به‌فر.. به‌فر.. به‌فر. به‌فر، دار و به‌ردی له ئامێز گرتووه. چه‌ند به‌خته‌وه‌ره‌ به‌فر! له‌م ته‌نیایی و بێ‌ئه‌نوایی‌یه‌ی ئێره‌دا، مرۆڤ زۆرجار ئێره‌یی به به‌فریش ده‌با.

چاوم بڕیونه‌ته‌ ده‌ره‌وه‌. وه‌ک ڕۆژانی دیکه، ژنه سێکسی‌یه‌که‌ی دراوسێ ده‌بینم که منداڵه‌که‌ی بۆ "داگیس" ده‌با. نه‌ختێکی سه‌رنج ده‌ده‌م و پاشان ڕوو وه‌رده‌گێڕم. ئێوه‌ ده‌بینم.. ناڵه‌ و نزاتان ده‌بیسم.

- بۆ خاتری خودا، ئه‌م منداڵه‌م لێ بکڕن! ده‌ سه‌یری که‌ن، بزانن چه‌ند خرپن و له‌به‌ر دڵانه‌!

ده‌نگت ده‌ناسمه‌وه‌، فاتیمه! دڵنیام ئه‌وه‌ ده‌نگه کز و غه‌مگینه‌که‌ی خۆته.. دڵنیاشم که له شه‌قامێکی قه‌ره‌باڵغی "تاران"دا به ته‌مای منداڵه‌که‌ت  بفرۆشی، نه‌ک بووکه‌شووشه‌!

 مه‌عسوومه! ده‌تبینم و گوێم له گرین و هه‌نیسکته. ده‌زانم ته‌مه‌نت که‌متر له پانز ساڵه‌ و بێ‌ئاگا له خۆت، به په‌نجا ساڵانێکیان داوی.. له‌و لاتیشه‌وه‌ سمێڵ‌فشێک ده‌بینم که چاوه‌ حیزه‌کانی له سمتی له‌ڕ و لاوازت بڕیوه‌ و لیکاوی به ده‌م دا دێته‌ خوارێ.

ده‌زانم تۆش سبحه‌ینێ، پێش گزینگ‌دان، په‌تی سێداره‌یه‌ و ... ... ده‌چیه‌ لای خوا. گوێم له زرم و کوتی دڵی تۆشه‌، ژیلا!

سروه‌!

ده‌زانم لای ئێواره، له باتی گوڵ‌باران، به‌رده‌بارانت ده‌که‌ن.. ده‌تبینم، دێی و ده‌چی و سینگی خۆ داده‌دڕی. قیژه‌ و زریکه‌ت ده‌گاته‌ لام...

به‌ڵام تۆ، پووره خه‌جێ!

ڕۆژانه به‌ به‌ر چاوه‌ ماندووه‌کانمه‌وه‌ی. ده‌تبینم له چوارڕێیانه‌که‌ی شاردا کز کزێک داده‌نیشی و چاوله‌ڕێی تا خێرخوازێک بێ و خێرێکت پێ‌بکا.. ده‌تبینم و ته‌مه‌نامه‌ بگه‌مه‌ لات و دابێمه‌وه‌ و ئه‌و ده‌ستانه‌ت ماچ بکه‌م.

لێره‌م.. سه‌یری ده‌ره‌وه‌ ده‌که‌م و هه‌ر هه‌مووتان ده‌بینم. گوێم له چرپه‌ و ترپه‌ی دڵتانه و له ناخه‌وه‌ ده‌توێمه‌وه‌.

سوێد

18.12.2008

شێخ عیزه‌دینی حوسه‌ینی داوا له ‌گیراوانی کورد ده‌کات کۆتایی به‌ مانگرتنه‌که‌یان بێنن

ڕێنێسانس نیوز؛ ستۆکهۆڵم ـ تایبه‌ت: که‌سایه‌تیی دیاری کورد مامۆستا شێخ عیزه‌دینی حوسه‌ینی له‌ په‌یامێکدا بۆ گیراوانی مانگرتوو له‌ گرتووخانه‌کانی ڕۆژهه‌ڵاتی کوردستاندا، وێرای ده‌ربڕینی پشتیوانی له‌ داخوازییه‌کانیان، داواشیان لێ ده‌کات کۆتایی به‌ مانگرتنه‌که‌یان بێنن.

له‌ لێدوانێکی نووسراودا که‌ بۆ ڕێنێسانسی ناردووه‌، که‌سایه‌تیی سیاسی ـ مه‌زهه‌بیی ڕۆژهه‌ڵاتی کوردستان "شێخ عیزه‌دینی حوسه‌ینی" ڕوو له‌ گیراوانی مانگرتوو گوتی: "داخوازه‌کانی ئێوه ‌که ‌له‌شه‌ش خاڵدا ده‌رتان بڕیوه‌، له‌جیهانی ئه‌مڕۆدا به ‌سه‌ره‌تایی‌ترین مافه‌کانی مرۆڤ ده‌ژمێردرێن و که‌سی له‌سه‌ر زیندانی ناکرێت. به‌ڵام به‌داخه‌وه ‌ئێوه ‌وه‌ک نه‌ته‌وه‌که‌تان له‌گه‌ڵ ده‌سه‌ڵاتێک رووبه‌روون که ‌هیچ تێگه‌یشتنێکی نه ‌له‌جیهانی ئه‌مڕۆ، به‌ڵکه ‌له‌‌و باوه‌ڕه‌ش ‌که‌ئیدیعای ده‌کات، نییه‌."

ئه‌و که‌سایه‌تییه‌ی کورد له‌ لێدوانه‌که‌یدا، به‌ چه‌ند هۆوه‌ که‌ ڕوونیکردوونه‌وه‌، داوا له‌ مانگرتووان ده‌کا کۆتایی به‌ مانگرتنه‌که‌یان بێنن و هه‌ر وه‌ک جه‌ختیشی ده‌کاته‌وه‌ "‌زیندووبوونی ئیوه‌ی نه‌ترس و کۆڵنه‌ده‌ر بۆ درێژه‌دان به‌خه‌بات بۆ سه‌رخستنی بزووتنه‌وه‌ی رزگاریخوازی نه‌ته‌وه‌که‌مان پێویستیه‌کی حاشاهه‌ڵنه‌گره.‌‌"

ده‌قی په‌یامه‌که‌:

په‌یامی مامۆستا شێخ‌عێزه‌دینی حوسێنی بۆ زیندانیانی مانگرتووی رۆژهه‌ڵاتی کوردستان

به‌ناوی خودای گه‌وره‌
رؤڵه‌ نه‌ترسه‌‌کانم ، كچان و کوڕانی له‌خۆبوردو سه‌ربه‌رزی گه‌له‌که‌م!
سڵاوتان لێده‌که‌م و جێژنی ئه‌م مانگه‌موباره‌که‌ی ره‌مه‌زانتان که‌ئێوه‌سه‌رتا سه‌ری بۆ ئامانجه‌پیرۆزه‌کانتان له‌حالی مانگرتن له‌خواردندا بوون، لێ پیرۆزبایی ده‌که‌م.

وه‌ک کۆمه‌ڵگه‌ی  ناوخۆ و ده‌ره‌وه‌ئاگاداره‌،‌ئێوه‌له‌رۆژی چواری خه‌رمانانه‌وه‌له‌زینداندا به‌مه‌به‌ستی گه‌یشتن به‌داخوازه‌کانتان،  ده‌ستان داوه‌ته‌مانگرتن له‌خواردن. داخوازه‌کانی ئێوه‌که‌له‌شه‌ش خاڵدا ده‌رتان بڕیوه‌، له‌جیهانی ئه‌مڕۆدا به‌سه‌ره‌تایی‌ترین مافه‌کانی مرۆڤ ده‌ژمێردرێن و که‌سی له‌سه‌ر زیندانی ناکرێت. به‌ڵام به‌داخه‌وه‌ئێوه‌وه‌ک نه‌ته‌وه‌که‌تان له‌گه‌ڵ ده‌سه‌ڵاتێک رووبه‌روون که‌هیچ تێگه‌یشتنێکی نه‌له‌جیهانی ئه‌مڕۆ ،به‌ڵکه‌له‌‌و باوه‌ڕه‌ش‌که‌ئیدیعای ده‌کات ،نی‌‌یه‌. بۆیه‌به‌په‌ر‌ۆشه‌وه‌بۆ ته‌ندروستی ئێوه،‌رووتان لێده‌که‌م و داواتان لێده‌که‌م به‌م هۆیانه‌ی خواره‌وه‌کۆتایی به‌مانگرتنه‌که‌تان بێنن.

ئێوه‌له‌ده‌سه‌ڵاتێکی ره‌شی تۆتالیتردا په‌یامی مه‌ده‌نیه‌ت و خه‌باتی مه‌ده‌نی خۆتان و گه‌له‌که‌تان به‌گوێی جیهان گه‌یاند و ‌هه‌ڵوێستی ناوه‌نده‌جیهانی‌یه‌کانی مافی مرۆڤ له‌سه‌ر مانگرتنه‌که‌تان و مه‌حکووم کردنی حکوومه‌تی ئێران، ده‌بێ به‌ده‌ستکه‌وتی ئه‌و کۆششه‌له‌خۆبوردوانه‌ی ئێوه‌بزانین.

ئێوه‌له‌‌دیلی دا ،یه‌کگردوانه‌و نه‌ترسانه‌به‌گژ ده‌سه‌ڵاتێکی دڕنده‌و یاخی له‌هه‌موو بنه‌مایه‌کی ئینسانی دا چوونه‌وه‌. ئه‌م یه‌کگردوی و یه‌ک‌ده‌نگی و به‌رگرێه‌تان ئه‌وپه‌ڕی شه‌هامه‌ت و له‌خۆبوردوویی ئێوه‌ی هه‌م به‌ده‌سه‌ڵات و هه‌م به‌بیروڕای گشتی ناساند.

 مانگرتنه‌که‌ی ئێوه‌سیمای درۆزنانه‌ی زۆر لایه‌نی ده‌سه‌ڵاتدار و بێ‌ده‌سه‌ڵاتی خسته‌روو که‌به‌ڕوواڵه‌ت ئیدیعای ئێران بۆ هه‌موو ئێرانیان ده‌که‌ن و له‌کرده‌وه‌دا ئاماده‌نین سه‌ره‌تاییترین داخوازه‌کانی نه‌ته‌وه‌ی کورد و نه‌ته‌وه‌سته‌ملێکراوه‌کانی دیکه بسه‌لمێنن. به‌شێوه‌یه‌ک له‌م ماوه‌دا به‌بێده‌نگی له‌ئاست مانگرتنه‌که‌تاندا دونیایه‌ک شه‌رم و شووره‌ییان نه‌سیبی خۆیان کرد.

بێگومان حکوومه‌تی ئێران وه‌ک تا ئێستا نیشانی داوه‌بۆ گیانی ئینسان هیچ بایه‌خێک دانانێت .

 بۆیه‌من دیسان له‌لایه‌ک داواتان لێده‌که‌م که‌دڵنیا بن په‌یامی ئێوه‌هه‌م له‌لایه‌ن نه‌ته‌وه‌که‌تان و هه‌م له‌لایه‌ن کۆمه‌ڵگه‌ی جیهانی‌یه‌وه‌وه‌رگیراوه‌له‌لاێه‌کی‌دیکه‌وه‌ به‌په‌رۆشم که‌درێژه‌کێشانی مانگرتنه‌که‌تان زیان به‌ته‌ندروستیتان بگه‌یه‌نێت یا خودانه‌که‌رده‌ببێته‌هۆی روودانی کاره‌ستاتی قه‌ره‌بوو نه‌کراو.

به‌له‌به‌ر چاو گرتنی ئه‌وانه‌ی باسم کرد جارێکی‌دی داواتان لێده‌که‌م کۆتایی به‌مانگرتنه‌که‌تان بێنن. ‌زیندووبوونی ئیوه‌ی نه‌ترس وکۆڵنه‌ده‌ر بۆ درێژه‌دان به‌خه‌بات بۆ سه‌رخستنی بزووتنه‌وه‌ی رزگاریخوازی نه‌ته‌وه‌که‌مان پێویستێه‌کی حاشاهه‌ڵنه‌گره‌‌. هیوادارم ئه‌م داخوازه‌ی من که‌واده‌زانم داخوازی هه‌زاران دڵسۆزی کورده‌که‌په‌رۆشی ته‌ندروستیتانه‌قه‌بول‌که‌ن. له‌خودای گه‌وره‌سه‌لامه‌تی و سه‌ربه‌رزی و سه‌رکه‌وتنتان بۆ داواده‌که‌م.  

شیخ عێزه‌دینی حوسێنی
 29-9-2008

له‌ ڕێنیسانسه‌وه‌ وه‌رگیراوه‌.

ـــــــــــــــــــــــــــــــــــــــــــــــــــــــــــــــــــــــــــــــ

پشتیوانی له‌مانگرتوانی کوردی زیندانه‌کانی رژیمی ئیسلامی ئێران

له‌سه‌ر بانگه‌واز و داوای کومیته‌ی پشتیوانی له‌مانگرتوانی کوردی زیندانه‌کانی رژیمی ئیسلامی ئێران، رۆژی 27.09.2008  کۆمه‌ڵێک له‌ کورده‌کانی دانیشتوی شاری یه‌ته‌بوری و ده‌وروبه‌ر به‌هانای بانگه‌وازه‌که‌وه‌ هاتنه‌ شوێنی دیاری کراو( به‌ر کتێبخانه‌ی گشتی Götaplatsen   ). پاشان به‌ هه‌ڵگرتنی دروشم و پلاکارت و لافیته‌کانی ئاماده‌کراو له‌لایه‌ن کومیته‌که‌وه‌، به‌ دوپات کردنه‌وه‌ی دروشمگه‌لی "رژیمی ئیران تروریست دیکتاتور، خامنه‌ای دیکتاتور،رۆژنامه‌نوس خۆشه‌ویست،نا بۆ ئێعدام ئه‌رێ بۆ ئازادی، ئیتر به‌سه‌ زوڵم و زۆر له‌کوردستان"، به‌ره‌و مه‌یدانی گۆستاڤ ئادۆلف وه‌ڕێ که‌وتن . لافیته‌ و پلاکارده‌کان که‌ له‌سه‌ریان به‌ سویدی نوسرابو "ئێمه‌ سیاسه‌تی رژیمی ئێران دژ به‌ رۆژنامه‌نوسانی کورد مه‌حکوم ده‌که‌ین،به‌س کرێت کوشتن و زه‌خت و زۆر له‌ کوردستان"، سه‌رنجی خه‌ڵکێکی زۆری بۆ لای خۆی راده‌کێشا .پاش رێپێوانه‌که‌، ره‌سوڵ سه‌فه‌ریانی له‌لایه‌ن کومیته‌که‌وه‌ سۆپاس و ماڵئاوای به‌شداربووانی کرد  و پاشان  پارچه‌ شێعرێکی پێشکه‌ش کرد. دواجار کاک غه‌فور موحه‌مه‌دی  ئه‌ندامی رێکخراوی مافی مرۆفی کوردستان، وتارێکی له‌سه‌ر مافی مرۆف له‌ کوردستان و پێشێلکاری ئه‌و مافانه‌ له‌ لایه‌ن رژیمی ئێرانه‌وه‌ پێشکه‌ش به‌ ئاماده‌ بووان کرد. له‌کۆتایدا داخوازینامه‌ی خۆپیشانده‌ران له‌ لایه‌ن ره‌سوڵ سه‌فه‌ریانیه‌وه‌ خوێندرایه‌وه‌، که‌ تێیدا وێڕای داکۆکی له‌ داخوازیه‌ ره‌واکانی مانگرتوان داوا له‌ ئورگانه‌ نێونه‌ته‌وه‌یه‌کان و ده‌وڵه‌تی سوید کرابوو که‌ زه‌خت بخه‌نه‌ سه‌ر رژیمی ئێران  بۆ جێبه‌جێ کردنی داخوازییه‌ ره‌واکانی مانگرتوان‌. ئه‌م داخوازینامه‌ وه‌رده‌گێردرێته‌ سه‌ر زمانی سوێدی و بۆ پارله‌مان و ده‌وڵه‌تی سوێد به‌ڕێ ده‌کرێت.

خۆپیشاندانه‌که‌ ببینه‌:

چه ند نمونه یه ک له دیوانه شیعری :
ئه‌و ئافره‌تانه‌ی به‌م شاره‌دا تێده‌په‌ڕن و ڕووتی ڕووتن

منداڵێکی ڕۆژنامه‌فرۆش

 که‌ریم تاقانه‌ (سوێد ـ سوێدرهامن)

به‌فر ده‌بارێ.

منداڵێکی ته‌مه‌ن ده، دوانزه‌ ساڵ کۆمه‌ڵێ ڕۆژنامه‌ی له بن‌هه‌نگڵ دایه‌ و به شه‌قامێکی قه‌ره‌باڵغ دا ده‌گه‌ڕێ تا بیانفرۆشێ...

ـ که‌یهان! سه‌لام! ڕساله‌ت! ئازادی! خه‌ڵکینه ڕۆژنامه‌ی ئه‌مڕۆ بکڕن.

سه‌رماکه‌ی ئه‌وه‌نده کاریگه‌ره‌‌ تف هه‌ڵخه‌ی، ده‌یبه‌ستێ. خه‌ڵک به‌ هه‌ڵه‌داوان دێن و ده‌چن و تاقه‌تی ئه‌وه‌یان نییه‌ ڕاوه‌ستن، ده‌ست له گیرفانی پاڵتۆ ده‌ربێنن و ڕۆژنامه بکڕن. خه‌ڵک له ترسی ئه‌وه‌ی نه‌وه‌ک پێیان بخلیسکێ و شوێنێکیان بشکێ، به‌شێوه‌یه‌ک سه‌ریان داخستووه‌‌ و سه‌یری به‌رپێی خۆیان ده‌که‌ن، ئاگایان له‌ملاو له‌‌‌ولای خۆیان نه‌ماوه‌...

کوڕه به ئاواتی ئه‌وه‌وه چه‌ند ڕۆژنامه‌یه‌ک بفرۆشێ، هه‌ر وا هات و هاواریه‌تی.

- ڕۆژنامه بکڕن! هه‌واڵی نوێ وه‌خوێنن! ئه‌ها! بڕیاره و هه‌ژاران ده‌وڵه‌مه‌ند ده‌بن!

که‌س ئاوڕ ناداته‌وه‌.

- دوێنێ دوو موعتاد له پارکی گشتی دا ڕه‌ق هه‌ڵاتن!

که‌س ئاوڕ ناداته‌وه‌.

- ئه‌م هه‌واڵه‌: له کوردستان کوڕ و کچێ له ‌به‌رچاوی خه‌ڵک شه‌لاق ده‌درێن!

که‌س ئاوڕ ناداته‌وه‌.

سه‌رماکه‌ی ئه‌وه‌نده دژواره‌ ده‌نگی کوڕه‌ به ئاسمانه‌وه‌ ده‌به‌ستێ و ناگاته گوێی ڕێبواران.

ئه‌و به‌فر بارینه‌، دیمه‌نێکی سه‌رنجڕاکێشی به‌خشیوه‌‌‌ته‌ ئه‌م تابلۆیه‌... کوڕه، ئه‌وه‌نده به‌فر نیشتۆته سه‌ر سه‌ر و روخساری، مرۆڤ له دووره‌وه‌ وا ده‌‌زانێ پیره‌مێردێکی کورته‌بنه‌یه‌ ڕۆژنامه‌ ده‌فرۆشێ!

شه‌ش منداڵی ئاواره‌کانی ئۆردوگای ڕۆمادی بوونه‌ قوربانیی مینێکی ناو زبڵدان‌

ڕێنێسانس نیوز؛ سه‌رپێڵی زه‌هاو ـ تایبه‌ت
له‌ ئاکامی ته‌قینه‌وه‌ی بۆمبێکدا له‌ زبڵخانه‌ی شاره‌داریی یه‌کێک له‌ گه‌ڕه‌که‌کانی شارۆکه‌ی "سه‌رپێڵی زه‌هاو"، شه‌ش منداڵی کورد کوژراون و بنه‌ماڵه‌کانیشیان له‌مه‌ڕ بێموبالاتیی داموده‌زگا ده‌وڵه‌تییه‌کان نیگه‌رانن.

سه‌رچاوه‌یه‌کی ڕێنێسانس له‌ باشووری ڕۆهه‌ڵاتی کوردستان له‌ ڕاپۆرتێکدا ئاشکرایکرد که‌ "له‌ ئه‌نجامی ته‌قینه‌وه‌ی بۆمبێک/مینێکدا له‌ ده‌ست چه‌ند منداڵێکی گه‌ڕه‌کی "تازه‌ئاباد"ی "سه‌رپێڵی زه‌هاو"، ڕۆژی بیستوحه‌وتی گه‌لاوێژ، شه‌ش منداڵی ته‌مه‌ن 10تا 13 ساڵه‌ گیانیان له‌ ده‌ستدا.
سه‌رچاوه‌که‌ وێرای ئاماژه‌ ه‌وه‌ که‌ زبڵه‌که‌ له‌لایه‌ن ترومبێله‌کانی شاره‌داریی سه‌رپێڵی زه‌هاوه‌وه‌ هێنراوه‌ته‌ زبڵخانه‌، گوتیشی: "ئه‌و منداڵانه‌، که‌ هه‌موویان سه‌ر به‌ بنه‌ماله‌ هه‌ژاره‌کانی ئه‌و شاره‌ن، بۆ دۆزینه‌وه‌ی که‌لوپه‌لێک که‌ بتوانن له‌ بازاڕه‌کانی شاردا بیفرۆشن و بژێوی بنه‌ماله‌کانیانی پێ دابین بکه‌ن، چوونه‌ زبڵخانه‌ی شاره‌داریی گه‌ره‌کی "تازه‌ئاباد" و ئه‌و مین/ بۆمبه‌یان دۆزیه‌وه‌ته‌وه‌ و له‌ ده‌ستیاندا ته‌قیوه‌ته‌وه‌."

مێدیاکانی ده‌وڵه‌ت، که‌ په‌یامنێری فه‌رمییان له‌و شاره‌ هه‌یه‌، تا ئێستا جێگه‌یان به‌و ڕووداوه‌ نه‌داوه‌، که‌ سه‌رچاوه‌که‌ی ڕێنێسانس به‌ "تراژیدییه‌کی کۆمه‌ڵایه‌تی‌" به‌ناوی کردووه‌.

سه‌رچاوه‌‌که‌ی ڕێنێسانس ئاماژه‌ی به‌وه‌شکرد که‌ ئه‌و هه‌موو قوربانییه‌کان له‌و بنه‌ماڵانه‌ن که‌ له‌ میانه‌ی شه‌ڕی ئێران ـ ئێڕاقدا ئاواره‌ و له‌ ئۆردوگای "ڕۆمادی" نیشته‌جێ کرابوون و ئێستاش گه‌ڕاونه‌وه‌ زێدی خۆیان.

هه‌روه‌ها له‌ زمان یه‌کێک له‌ ئه‌ندامانی بنه‌ماڵه‌ی ئه‌و قوربانییانه‌ جه‌ختیکرده‌وه‌ که‌ داموده‌زگا ده‌وڵه‌تیه‌کان به‌بێ موبالاتییه‌وه‌ له‌ کێشه‌ ئابووری و کۆمه‌ڵایه‌تییه‌کانی ئه‌و بنه‌ماڵانه‌ ده‌ڕوانن و شاره‌داریش وه‌ڵامی داخوازییه‌کانیان ناداته‌وه‌. هه‌ر وه‌ک ئه‌و ئه‌ندامه‌ی بنه‌ماله‌که‌ ئاماژه‌ی پێکردووه‌ داموده‌زگا ده‌وڵه‌تییه‌کان، له‌ جیاتی پێراگه‌یشتن به‌ هاووڵاتیان، ته‌لبه‌ندیان به‌ ده‌وری ئیداره‌کانی خۆیاندا کێشاوه‌.

شاره‌داریی سه‌رپێڵی زه‌هاو تا ئێستا له‌و بواره‌وه‌ هیچ زانیارییه‌کی بڵاو نه‌کردۆته‌و و ڕوونیش نییه‌ که‌ بۆمبه‌که‌ مینی به‌جێماو له‌ شه‌ڕی ئێران ـ ئێراق بووه‌ یانیش بۆمبی ده‌ستی.

کورده‌ ئاواره‌کانی ئۆردوگای ئه‌ڵتاش، دوای ڕووخانی ڕژیمی پێشووی ئێڕاق، له‌ ژێر گوشاری میلیشیا عه‌ره‌به‌کانی هه‌رێمه‌که‌دا جارێکی دیکه‌ ئاواره‌ بوونه‌وه‌ و به‌شێک له‌وان گه‌ڕانه‌وه‌ ڕۆژهه‌ڵاتی کوردستان.

له (ڕێنیسانس)ه‌وه‌ وه‌رگیراوه‌...

Dr. Qasemloo

به‌ڵێ ..  ژن به‌م شێوه‌یه‌ له کۆماری ئیسلامی دا مامه‌ڵه‌ی له‌گه‌ڵ ده‌کرێ..!

ده‌با پێکه‌وه‌ چاوی لێ بکه‌ین:

بانگه‌واز..

خوێنه‌ری ده‌لال و به‌ڕێز،

سڵاوی گه‌رمی منت پێشکێش..

تکایه ئه‌م ماڵپه‌ڕه چکۆله‌یه‌ی من به هی خۆت بزانه و به ڕه‌خنه‌ و پێشنیار، هه‌واڵ و نووسین و وێنه‌ی ڕه‌نگاو ڕه‌نگ ده‌وڵه‌مه‌ندی بکه‌..

دوو دڵ مه‌به‌ و به‌م ئیمایلانه نامه‌م بۆ بنووسه‌:

karim.taghana@yahoo.com

k.taqane_1@yahoo.com

دڵنیا به نامه‌که‌ت پشت گوێ ناخرێ و له زووترین کات دا وه‌ڵامت ده‌ده‌مه‌وه‌.

که‌‌ریم تاقانه (سوێد)

ژنان له‌ کۆماری ئیسلامیی ئێران دا!

تکایه‌ چاوی لێ بکه‌:

کورتیله‌ چیرۆک:

نووسینی: که‌ریم تاقانه‌

کچەکە گوتی:

کوڕەکە تفی نێو دەمی قووت دایەوە و لە حاڵێک‎دا لەم لاو لەو لای دەڕوانی، هەناسەیەکی هەڵکێشاو گوتی:
- بەداخەوە شک نابەم...

لە سەر گۆڕێکی نێو دۆڵەکە لە پەنای یەک دانیشتبوون.. کوڕە لە ژێر مانتۆ و کراسەوە دەستی بردبووە ژوورەوە و جەستەی کچەکەی دەشێلا.. خەڵک تاک و تەرا دەهاتنە سەر گڵکۆ و دەگەڕانەوە.. گۆڕستانەکە  زۆر جار دەبووە ژوانگەی دڵداران...
وردە وردە تاریک دادەهات.. بە تاریکبوونی دنیا، دەم و زمانی کوڕ و کچە زیاتر بە هەنگوێنی جەستەی یەکدی دەگەیشت..
لە ئاکام‎دا، کچەکە چارشێوەکەی لە سەر گۆڕەکە ڕاخست و لە سەر گازەره‌ی پشت ڕاکشا.
- ... دەزانی ئەگەر بمانگرن ، چمان بە سەر دێنن..؟.

کوڕەکە بە پەلە پەل توێکڵی قاچی ئەو مۆزەی گرتەوە..
- ... بە شەقام و کۆڵانان‎دا دەمانگێڕن و.. داری حەدمان لـێ‌دەدەن..

مرۆڤی تینووی دەشتی کاکی بە کاکی ئەگەر لەپڕ کانیاوێک بدۆزێتەوە، بەپەلە بۆی دەچێتە سەر دووچۆکان و دەمی تـێ‌ دەنێ‌ تا تێراو بـێ‌…

هەناسەبڕکێیان بوو…
لەناکاو تیشکی چرای ماشێنێکیان لـێ‌ نێزیک بۆوە.. گوێیان نەدایە.. نێزیکتر بۆوە.. گوێیان نەدایە.. هاتە سەر سەریان. ماشێنی گەشت بوو..
کچەکە، کە هەروا لە سەر پشت ڕاکشابوو، قیژاندی:
- گیراین!.. پۆلیس هـات!..

لێکدی بوونەوە.. کوڕەکە لە ترسان بە سەر گۆڕەکان‎دا بازی دا و.. هەڵات…
دوو کەس لە ماشێنەکە دابەزین و لە چاوترووکاندنێک‎دا خۆیان گەیاندە لای کچەکە و بێ‌ سێ و دوو لێکردن ئەم قۆڵ و ئەو قۆڵیان گرت.. گەشـانەوە.. دەتگوت گەنجینەی زێڕیان دۆزیوەتەوە!.
کوڕە لە دوورەوە سەرنجی پۆلیسەکانی دا.. ئەوان بە دەم بزە و خەندەوە کچەکەیان بۆ نێو ماشێنەکە برد و.. هەر لایشیان لـەو نەکردەوە!…

^{دستگيري گسترده زنان فعال در امور حقوقي و اجتماعي}

^{مراسم سالگرد 22 خرداد ماه كه قرار بود با حضور جمعي از فعالان حوزه زنان در گالري ابريشم برگزار شود، با فشار نيروي انتظامي بر مدير گالري لغو و تعدادي از فعالان زن بازداشت شدند. ژيلا بني‌يعقوب، روزنامه‌نگار، فريده غايب، خبرنگار روزنامه سرمايه، نسرين ستودهُ حقوقدان و وكيل دادگستري و نيز جلوه جواهري جامعه شناس، سارا لقماني، نفيسه آزاد، آيدا سعادت مترجم و روزنامه نگار ، ناهيد ميرحاج و كيوان صميمي روزنامه نگار و سردبير سابق نشريات اصلاح طلب جزء بازداشت‌شدگان هستند. در خرداد ماه 1384 عده زيادي از فعالان زن با گردهمايي در برابر دانشگاه تهران نسبت به تبعيض‌هاي جنسيتي موجود در قوانين مدني و كيفري كشورمان اعتراض كردند. يكسال پس از آن نيز در ميدان هفت تير تهران، فعالين جنبش زنان با محوريت تغيير قوانين تبعيض آميز دست به تجمع زدند كه با سركوب گسترده نيروهاي امنيتي مواجه شدند و در جريان آن مراسم حدود 70 نفر از شركت} _{كنندگان} ^{بازداشت گرديدند.  آن پس روز ۲۲ خرداد به عنوان روز همبستگي زنان ايراني گرامي داشته مي شود . امروز نيز قرار بود بهمناسبت اين روز فرخنده گروهي كوچك از فعالين جنبش زنان در تهران - ضمن داشتن مجوز از مسئولين گالري - دور هم جمع شده و درباره تلاشهايخود براي حمايت از حقوق زنان كشورمان با يكديگر تبادل نظر كنند. اما متاسفانه مقامات و مامورين امنيتي كشورمان ضمن لغو برپايي اين مراسم گروهي از دعوت كنندگان و نيز دعوت شدگان به آن نشست را نيز دستگير كردند.  تصاوير زير تعدادي از اين زنان هستند كه جرمشان تنها خواسته اي مسالمت آميز و آرام براي برخورداري از حداقل حقوق انساني شان است . آنها امروز ۲۲ خرداد ۱۳۸۷ پيش از برگزاري ديدار دوستانه شان در گالري ابريشم تهران دستگير شدند.}

گـالری پستان

قباد جلی‌زاده

برگردان: كریم تاقانه (سوئد) 

1

پستانهایت

پیا پی

قطره.. قطره..

به دهانم می‌چكد،

با اینهمه

نه پستانهایت كوچك می‌شوند و

نه سیر می‌شود دهان من!

2

پستانهایت

دو خرگوش چاق‌ و چله‌ی گرسنه‌اند و

انگشتانم

ده تا هویج تـر!

3

پستانهایت

كشتزاری مین و

انگشتانم

دسته‌ای پیشمرگ!

... ... ←

له‌ یادی عه‌زیز نه‌سین دا:

عه‌زیز نه‌سین كێ‌یه‌؟

به‌ پێنووسی: زیا‌ ئورتاج
(كارگێڕی هه‌فته‌نامه‌ی ئاقبابا)

وه‌رگێڕانی له فارسییه‌وه‌: که‌ریم تاقانه

‌به‌هاری ساڵی 1952 بوو.. له‌ ده‌فته‌ری ڕۆژنامه‌دا سه‌رقاڵی خوێندنه‌وه‌ی بابه‌ت‌و هه‌واڵه‌كان بووم تا زووتر بیاننێرمه‌ چاپخانه‌ كه‌ "سه‌لامی" هاته‌ ژووره‌وه‌.
له‌ سه‌ر چاویلكه‌كه‌مه‌وه‌ چاوم لێی كرد.. نه‌ختێ‌ كاغه‌زی هه‌ڵپێچراوی به‌ ده‌سته‌وه‌ بوو. پرسیم:
- ئه‌وه‌ چی‎یه‌؟
كاغه‌زه‌كه‌ی بۆ ڕاگرتم‌و گوتی:
- چیرۆكێكی باشمان بۆ هاتووه‌..
- هی كێ‌یه‌؟
- ئێوه‌ نایناسن، نووسه‌رێكی نوێ‌یه‌.
زۆر ناڕاحه‌ت بووم.. "سه‌لامی" خۆی خوو‌ و خده‌ی منی ده‌زانی.. ئه‌من هیچ كات بابه‌تی نووسه‌رانی تازه‌كارم نه‌ده‌خوێنده‌وه‌.
پێش ئه‌وه‌ی قسه‌ بكه‌م، "سه‌لامی" هه‌ستی به‌ تووڕه‌بوونم كرد‌و به‌ ده‌م پاڕانه‌وه‌وه‌ گوتی:
- به‌ خوا زۆر چاكه‌.. دڵنیام په‌سه‌ندی ده‌كه‌ی!
- ئێستا كاتم نییه‌..
- تكایه‌ بیخوێنه‌وه‌.
بۆ ئه‌وه‌ی له‌ ده‌ستی "سه‌لامی" ڕزگار بم، گوتم:
- زۆر باشه‌، ده‌یخوێنمه‌وه‌.. له‌ سه‌ر مێزه‌كه‌ی دانێ‌ تا كارم ته‌واو ده‌بێ‌..
"سه‌لامی" چوو.. كارم ته‌واو بوو‌ و ده‌ستم به‌ خوێندنه‌وه‌ی چیرۆكه‌كه‌ كرد.. هاوار خه‌ڵكینه‌.. ئه‌مان كاكی خۆم.. ئه‌مه‌ چۆن چیرۆكێكه‌.. به‌هـ.. به‌هـ.. جارێ‌ هه‌ڵده‌ستامه‌ سه‌ر پێ‌‌و تاوێ‌ داده‌نیشتم..
زه‌نگم دا "سه‌لامی" هات، گوتم:
- زۆر جوانه‌.. نایابه‌.. ده‌سبه‌جێ‌ بینێره‌ چاپخانه‌ تا چاپی بكه‌ن.. ده‌بێ‌ له‌م ژماره‌یه‌دا بڵاو بێته‌وه‌.. له‌ چیرۆكه‌كانی پێشوو هه‌ڵگرن.. بڵێ‌ به‌ حسێبدارییش پووڵێكی چاكی وێ‌ بدا تا دڵی نووسه‌ر خۆش بێ. حه‌وتووی دواتر، "سه‌لامی" دوو چیرۆكی دیكه‌ی هێناو گوتی:
- ئه‌مانه‌ش هی هه‌مان نووسه‌رن..
هه‌ر چیرۆكه‌و دوو جارم خوێنده‌ه‌وه‌.. پاشان زه‌نگم دا "سه‌لامی" هات، پرسیم:
- ئه‌م نووسه‌ره‌ كێ‌یه‌؟
نه‌ختێ‌ مینگه‌ مینگی كرد‌و گوتی:
- ئێوه‌ نایناسن.. لاوێكی خوێندكاره‌.
حه‌په‌سام‌و.. گوتم:
- شتی وا نابێ‌.. ئاخر چۆن ده‌بێ‌ ئه‌م چیرۆكانه‌ هی لاوێك بن.. پاش بیست ساڵ پیشه‌ی ڕۆژنامه‌گه‌ری تازه‌ ئیدی کڵاوم ناچێته‌ سه‌ر... ... ئه‌من جیددی قسه‌ ده‌كه‌م‌و وێڵكه‌ری مامه‌ڵه‌ نیم *، گوتی:
- هی "عه‌زیز نه‌سین"ه‌.

←

سزای (سه‌نگسار ) له دنیای ئه‌مڕۆدا ئه‌وه‌نده نامرۆڤانه‌و قبووڵ‌نه‌کراوه که ته‌نانه‌ت ده‌سه‌ڵاتدارانی کۆماری ئیسلامیی ئێرانیش به درکاندنی هه‌ست به شه‌رمه‌زاری ده‌که‌ن‌و ناچنه ژێر باریه‌وه‌!.. 

ئه‌م سزا وه‌حشییانه ئه‌وه‌تا هه‌ر وا له یاسای سزادانی ئێران‌دا ماوه‌و مه‌ترسیی جێ‌ به جێ کرانی هه‌رده‌م له ئارادایه‌.

له مانگی ئاپریلی ساڵی 2006دا به دوای بڵاوبوونه‌وه‌ی غه‌یره ڕه‌سمیی هه‌واڵی سه‌نگساری ژن‌و پیاوێک له مه‌شهه‌د، کۆمه‌ڵێک له چالاکانی جووڵانه‌وه‌ی ژنان وه‌خۆ که‌وتن‌ تا بۆ نه‌هێشتنی یاسای سه‌نگسار چالاکییه‌کانی خۆیان توندو تۆڵتر بکه‌نه‌وه. سه‌ره‌ڕای نکۆڵی لێکردنی ده‌زگا پێوه‌ندیداره‌ ڕه‌سمییه‌کان، لێکۆڵینه‌وه‌کانی چالاکانی جووڵانه‌وه‌ی ژنان سه‌لماندی که هه‌واڵی سه‌نگسار کردنه‌که له (به‌هه‌شتی ڕه‌زای مه‌شهه‌د) جێ به جێ کراوه‌و حه‌قیقه‌ت بووه.

کاتێ که له مانگی ئاوگوستی 2006دا حوکمی به‌رده‌باران به (ئه‌شره‌ف که‌لهوڕی) له زیندانی (ئێوین)دا ڕاگه‌یه‌نرا، پێیان گوت که له ماوه‌‌ی پانزه ڕۆژی دیکه‌دا حوکمه‌که جێ به‌ جێ ده‌کرێ. دوا به دوای ئه‌وه، کۆمه‌ڵێکی زۆر له چالاکانی جووڵانه‌وه‌ی ژنان، له نامه‌یه‌ک‌دا بۆ سه‌رۆکی (قوه‌ی قچائییه‌) خوازیاری لابردنی ئه‌م حوکمه بوون‌و هاوکاتیش داوایان له نوێنه‌رانی مه‌جلیس کرد ڕابگه‌یه‌نن که یاسای سه‌نگسار هه‌ڵگیراوه.....

لاوان له کۆماری ئیسلامیی ئێران دا!

 که‌ریم تاقانه(سوێد- سوێدرهامن)

چین‌و توێژی لاوان که حه‌فتا له سه‌دی حه‌شیمه‌تی ئێران پێک دێنن، به‌رچاوترین‌و دیارترین قوربانییانی ده‌ستی ڕێژیمی کۆماری ئیسلامیی ئێرانن.
ڕێژیمی کۆماری ئیسلامیی ئێران، ڕۆژانه به شێوه‌و که‌ره‌سته‌ی جۆراوجۆر هه‌وڵ ده‌دا پێش به هاوارو هه‌ڵچوون‌و.. بزووتنه‌وه‌ ڕه‌نگاوڕه‌نگ‌و هه‌مه‌لایه‌ن‌و هیوابه‌خشه‌کانی لاوان بگرێ‌و ده‌نگیان له گه‌روودا بتاسێنێ؛ هه‌ربۆیه چاوی له هه‌ر هه‌نگاوهه‌ڵێنانه‌وه‌یه‌کی لاوانه‌و له به‌رده‌میان‌دا ڕێگری‌و به‌ربه‌ست دروست ده‌کا.. ده‌یانگرێ، له گرتووخانه‌یان توند ده‌کا، ئه‌شکه‌نجه‌و ئازاری جه‌سته‌یی‌و ڕۆحییان ده‌داو ده‌ست له هیچ جۆره بێ‌حورمه‌تی‌و سووکایه‌تی‌ پێ‌کردنێکی‌دیکه‌ش ناپارێزی. به‌ڵام له به‌رامبه‌ردا، لاوان، وه‌ک ده‌بینین، ڕۆژ له دوای ڕۆژ شێلگیرانه‌ترو به شێوازی جیا، جیا به گژ ڕێژیم‌دا ده‌چنه‌وه‌و.. چاونه‌ترسانه ڕ‌ه‌وتی ژیان درێژه پێ‌ده‌ده‌ن.

هه‌واڵنێری ڕۆژنامه‌ی ئوتریشیی ((ستاندارد))، له‌و کورته ڕاپۆرته‌ی خۆی‌دا که له 19ی سێپتامبری ساڵی ڕابوردوودا بڵاوی کردۆته‌وه‌، باسی کێشه‌و ئاسته‌نگه‌کانی سه‌ر لاوان ده‌کا. ئه‌و، له‌گه‌ڵ چه‌ند لاوێک له ئێران دا، داده‌نیشێ‌و ده‌یاندوێنێ.
هه‌واڵنێری ڕۆژنامه‌ی ئوتریشی ده‌ڵێ:
ـ له ئێران‌دا، ئازادیی بیروڕا به هیچ شێوه‌یه‌ک بوونی نییه‌. له ئێران‌دا یاساکانی شه‌ریعه‌ت باڵاده‌ستن‌و بۆ وێنه‌، به پێی ئه‌و یاسایانه، ده‌کرێ ده‌ستی دزێکی ده‌ستگیرکراو، ببڕدرێ.
پێوه‌ندییه‌کانی لاوان به توندی کۆنترۆڵ ده‌کرێ. ((ئارایه)) که کچێکی ته‌مه‌ن بیست ساڵه، باس ده‌کاو ده‌ڵێ: " ئه‌گه‌ر کچ‌و کوڕێک پێکه‌وه به شه‌قام‌دا بگه‌ڕێن، ئه‌وه ده‌بێ خزم‌و که‌س‌و کاری نێزیکی یه‌کدی بن، چونکه دوور نییه‌ تووشی لێ‌پرسینه‌وه بن‌و ئه‌و کات ئیدی له گرتووخانه‌دا خۆ ده‌بیننه‌وه‌و تووشی سووکایه‌ت پێ‌کردن ده‌بن. "
له زانکۆش‌دا، جودابیران به توندی له ژێر چاوه‌دێری دان. مامۆستایه‌کی زانکۆ ده‌ڵێ: " چاودێرانی زانکۆ، مل‌پێچی‌که‌ران ته‌مێ ده‌که‌ن‌و هێندێک جاریش بۆ هه‌میشه‌ وه‌ده‌ریان ده‌نێن. "
وتووێژ له‌گه‌ڵ لاوان له‌مه‌ڕ سیاسه‌ت هه‌روا هاسان نییه‌. له‌گه‌ڵ لاوێکی ته‌مه‌ن نۆزده ساڵ قسه ده‌که‌م که وه‌ڵامی هه‌موو پرسیاره‌کان ده‌داته‌وه تا ئه‌و کاته‌ی باس له‌و بابه‌تانه دێته گۆڕێ که پێوه‌ندیان به سیاسه‌ته‌وه هه‌یه، ده‌ڵێ:
" دیاره تۆ ڕۆۆژنامه ‌نووس نی! "  ئیدی ئا لێره‌دا قسه‌و باسمان دوایی دێ.
له که‌ش‌و هه‌وایه‌کی ئه‌وتۆدا، دژواره که ئه‌و لاوانه به‌ سانایی بیرو بۆچوونی سیاسیی خۆیان هه‌بێ تا بگا به‌وه که گه‌شه‌ی پێ بده‌ن.
سه‌‌ره‌ڕای هه‌موو ئه‌مانه، لاوان له ئێران‌دا، گۆشه‌گیر نین. ئه‌وان له ڕێگای سه‌ته‌لایت‌و که‌ره‌سته جۆراوجۆره‌کانی دیکه‌ی ڕاگه‌یاندنه‌وه له‌گه‌ڵ ژیانی لاوانی وڵاتانی دیکه، به تایبه‌ت وڵاتانی ڕۆژئاوا، ئاشنا ده‌بن‌و دنیای دیکه‌ ده‌بینن. ((حافز)) که ته‌مه‌نی حه‌ڤده ساڵه، ده‌ڵێ:
" لاوان له ڕۆژئاوادا به ئازادی ده‌ژین‌و له‌وێ، پێوه‌ندیی نێوان کچ‌و کوڕ ئازاده. به پێچه‌وانه‌وه، لێره، ژیانی ئێمه له چوارچێوه‌یه‌کی زۆر به‌رته‌سک دایه. "
له‌و کاته‌وه که ((مه‌حموود ئه‌حمه‌دی‌نژاد)) بۆته سه‌رۆکی کۆماری ئیسلامیی ئێران، یاساکان دژوارتر بوونه‌ته‌وه‌و خه‌ڵکیش ناڕاحه‌تترو بێزارتر له جاران وه‌به‌رچاو دێن.
((حافز)) که لاوێکی خوێندکاره، باس ده‌کاو ده‌ڵێ که ئه‌گه‌ر قه‌یرانی ئه‌تۆمیی ئێران چاره‌سه‌ر نه‌بێ، شه‌ڕ ده‌ست پێ ده‌کاو ئه‌و کات ئێران، 50 ساڵ بۆ پاشه‌وه ده‌گه‌ڕێته‌وه.

خاڵێک که گشت لاوانی ئێران له سه‌ری هاوڕان، مه‌سه‌له‌ی((ئیسرائیل))ه‌. ئه‌وان له‌گه‌ڵ ئه‌و قسانه‌ی ئه‌حمه‌دی‌نژاد نین که گوتی ناوی ((ئیسرائیل)) ده‌بێ له سه‌ر نه‌خشه‌ی دنیادا کوێر بکرێته‌وه.
وێڕای ئه‌و هه‌موو که‌ندو کۆسپ‌و دژوار‌‌ی‌یانه، لاوانی ئێران خه‌ون به‌وه‌وه‌ ده‌بینن که چۆن چۆنین ده‌بێ ده‌ستیان به ژیانێکی به‌خته‌وه‌ر ڕا بگا..
به‌لام بیرو بۆچوونی ((ئارایه‌)) له هاوته‌مه‌نه‌کانی خۆی جیاوازه. ئه‌و ده‌ڵێ: " ئه‌من پیاوان ناچار ده‌که‌م که سه‌رپۆش به سه‌ردا بده‌ن تا تێیان بگه‌یه‌نم‌ که ژیان له‌گه‌ڵ سه‌رپۆش‌و جل‌و به‌رگ له‌به‌رکردنی زۆره‌کی، چه‌نده پیس‌و دژواره‌!.. " 
پێک دێنن، به‌رچاوترین‌و دیارترین قوربانییانی ده‌ستی ڕێژیمی کۆماری ئیسلامیی ئێرانن.